തേങ്ങാവെള്ളം രോഗങ്ങളില്‍ നിന്ന് സംരക്ഷണം നൽകുന്നു.
നിരവധി ആരോഗ്യ ഗുണങ്ങള്‍ നല്‍കുന്നതിനൊപ്പം തേങ്ങാവെള്ളം രോഗങ്ങളില്‍ നിന്ന് സംരക്ഷണം നല്‍കുകയും ചെയ്യുന്നു. തേങ്ങാവെള്ളത്തില്‍ 94% വെള്ളവും വളരെ കുറച്ച് കൊഴുപ്പും അടങ്ങിയിരിക്കുന്നു.
ഇതില്‍ ധാരാളം ആന്റിഓക്‌സിഡന്റുകള്‍, മഗ്നീഷ്യം, ഫോസ്ഫറസ്, പൊട്ടാസ്യം എന്നിവ അടങ്ങിയിട്ടുണ്ട്. തേങ്ങാവെള്ളം ശരീരത്തിലെ പഞ്ചസാരയുടെ അളവ് നിലനിര്‍ത്തുന്നു. വൃക്കയിലെ കല്ലുകള്‍ തടയാനും ഊര്‍ജ്ജം നല്‍കാനും സഹായിക്കുന്നു.
തേങ്ങാവെള്ളത്തില്‍ അടങ്ങിയിരിക്കുന്ന ആന്റിഓക്‌സിഡന്റുകള്‍ ശരീരത്തിലുള്ള ദോഷകരമായ ഫ്രീ റാഡിക്കലുകളെ ചെറുക്കാന്‍ സഹായിക്കുന്നു. തേങ്ങാവെള്ളം കുടിക്കുന്നത് ഹൃദ്രോഗ സാധ്യത കുറയ്ക്കുമെന്ന് കണ്ടെത്തി. ചര്‍മ്മത്തിന്റെ യുവത്വവും തിളക്കവും ദീര്‍ഘനേരം നിലനിര്‍ത്താന്‍ സഹായിക്കുന്ന ധാരാളം വിറ്റാമിനുകളും ധാതുക്കളും തേങ്ങാവെള്ളത്തില്‍ അടങ്ങിയിട്ടുണ്ട്.
ചര്‍മ്മത്തിലെ നേര്‍ത്ത വരകള്‍, ചുളിവുകള്‍, വാര്‍ദ്ധക്യത്തിന്റെ മറ്റ് ലക്ഷണങ്ങള്‍ എന്നിവ അകറ്റി നിര്‍ത്തുന്ന ആന്റി-ഏജിംഗ് ഗുണങ്ങളും ഇതിനുണ്ട്. തേങ്ങാവെള്ളം കുടിക്കുന്നത് ദഹനവ്യവസ്ഥയെ ആരോഗ്യകരമായി നിലനിര്‍ത്തുകയും ശരീരത്തിന്റെ മെറ്റബോളിസം വേഗത്തിലാക്കുകയും ചെയ്യുന്നു.
ഇത് മലബന്ധം എന്ന പ്രശ്‌നത്തിന് ആശ്വാസം നല്‍കുന്നു. ശരീരത്തിലെ മെറ്റബോളിസം വേഗത്തിലാക്കുന്നത് ശരീരഭാരം കുറയ്ക്കാന്‍ സഹായിക്കുന്നു. തേങ്ങാവെള്ളത്തില്‍ കലോറി വളരെ കുറവാണ്, അതിനാല്‍ ശരീരഭാരം കുറയ്ക്കാന്‍ ഇത് ഒരു മികച്ച പാനീയമാണ്.
STORY HIGHLIGHTS:Coconut water protects against diseases.
